Ministri i ri i Shëndetësisë së Kosovës, Rifat Latifi, pas marrjes së detyrës ka falënderuar kryeministrin për siç ka thënë ai besimin dhe nderin që i ka bërë.

Ai ka premtuar ngrije të kapaciteve njerëzore, shërbime cilësore e hulumtime shkencore.

Latifi në konferencën për media tha se investimi në shëndetësi do të ndal ikjen e kuadrove nga vendi, por edhe kthimin e atyre që kanë lënë Kosovën, raporton arbresh.info.

“Do të ndërpresim largimin e trurit mjekësor e shkencor nga vendi. Nëse e rregullojmë shtëpinë tonë, do ta bëjmë kthimin e trurit të larguar, që të bëjmë ngritjen e standardeve mjekësore. Të gjithë ata që duan të kthehen mund të vijnë ta ndihmojnë Kosovën”, tha ai.

Ai tha se përmirësimi i gjendjes në shëndetësi do të bëjë që edhe kuadrot e larguar do të kthehen në Kosovë.

Ministri i ri, ka thënë se me modernizmin e spitaleve do të bëjmë që pacientë tanë mos të kenë nevojë të shkojnë për shërim jashtë vendit.

“Ne do të bëjmë strategji 20-30 vjeçare e jo një vjeçare. Por të gjitha këto kërkojnë investim e përkrahje”, tha ai./arbresh.info/